މޯލްޑިވިއަނުން މި މަހު މެލޭޝިއާއަށް ޚާއްސަ ސީދާ ދަތުރުތަކެއް ބާއްވަނީ

ޤައުމީ އެއާލައިން، މޯލްޑިވިއަން އިން މި މަހު މެލޭޝިއާއަށް ޚާއްސަ ސީދާ ދަތުރުތަކެއް ބާއްވަން ނިންމައިފިއެވެ.

މޯލްޑިވިއަނުން ސޯޝަލް މީޑިއާގައި މިއަދު ކުރި ޕޯސްޓެއްގައި ބުނީ އެ އެއާލައިންގެ ޚާއްސަ ސީދާ ދަތުރުތަކެއް މި މަހު 27 އާއި 29 އަދި 30 ގައި މާލެ އާއި ކުއަލަ ލަމްޕޫރާ ދެމެދުގައި ބާއްވަން ނިންމާފައިވާ ކަމަށެވެ.

މި ދަތުރުތަކަށް ފެއާގައި ޓިކެޓް ވިއްކާ އަގުތައް ވެސް ވަނީ އިޢުލާންކޮށްފައެވެ.

27 ވަނަ ދުވަހަށް ޓިކެޓް ވިއްކާ އަގުތައް؛

1. މާލެއިން ކުއަލަ ލަމްޕޫރަށް އިކޮނޮމީގައި އެއްކޮޅު ޓިކެޓް 149 ޑޮލަރަށް (30 ކިލޯ)
2. މާލެއިން ކުއަލަ ލަމްޕޫރަށް އިކޮނޮމީ ފްލެކްސްގައި އެއްކޮޅު ޓިކެޓް 174 ޑޮލަރަށް (40 ކިލޯ)
3. ކުއަލަ ލަމްޕޫރުން މާލެއަށް އިކޮނޮމީގައި އެއްކޮޅު ޓިކެޓް 99 ޑޮލަރަށް (30 ކިލޯ)
4. ކުއަލަ ލަމްޕޫރުން މާލެއަށް އިކޮނޮމީ ފްލެކްސްގައި އެއްކޮޅު ޓިކެޓް 124 ޑޮލަރަށް (40 ކިލޯ)

29 ވަނަ ދުވަހަށް ޓިކެޓް ވިއްކާ އަގުތައް؛

1. މާލެއިން ކުއަލަ ލަމްޕޫރަށް އިކޮނޮމީގައި އެއްކޮޅު ޓިކެޓް 149 ޑޮލަރަށް (30 ކިލޯ)
2. މާލެއިން ކުއަލަ ލަމްޕޫރަށް އިކޮނޮމީ ފްލެކްސްގައި އެއްކޮޅު ޓިކެޓް 174 ޑޮލަރަށް (40 ކިލޯ)

30 ވަނަ ދުވަހަށް ޓިކެޓް ވިއްކާ އަގުތައް؛

1. ކުއަލަ ލަމްޕޫރުން މާލެއަށް އިކޮނޮމީގައި އެއްކޮޅު ޓިކެޓް 119 ޑޮލަރަށް (30 ކިލޯ)
2. ކުއަލަ ލަމްޕޫރުން މާލެއަށް އިކޮނޮމީ ފްލެކްސްގައި އެއްކޮޅު ޓިކެޓް 144 ޑޮލަރަށް (40 ކިލޯ)

މޯލްޑިވިއަންގެ ފުރަތަމަ ވައިޑްބޮޑީ އެއާކްރާފްޓް އޭ330-200 އިން މިހާރު ވެސް އަންނަނީ ރާއްޖެ އާއި ޗައިނާގެ ތިން ސިޓީއަކާ ދެމެދުގައި ސީދާ ދަތުރުތައް ކުރަމުންނެވެ.

ޑިމާންޑް ބޮޑުވުމުން އެ ބޯޓުގައި މިދިޔަ ފެބްރުއަރީ މަހު ވަނީ އިންޑިއާގެ ޓްރިވެންޑްރަމަށް ވެސް ޚާއްސަ ފްލައިޓްތަކެއް ބާއްވާފައެވެ.

މޯލްޑިވިއަނުން ކުރިން ބުނެފައިވާ ގޮތުގައި، އަންނަ އޮކްޓޯބަރު މަހު އިތުރު ވައިޑްބޮޑީ އެއާކްރާފްޓެއް ގެނެސް ޔޫރަޕްގެ ޤައުމުތަކަށް ވެސް އެ އެއާލައިނުން ސީދާ ދަތުރުތައް ފަށާނެ އެވެ.