ސުޕްރީމް ކޯޓުގެ ފަނޑިޔާރުން ކަމުގައިވާ މަހާޒު އަލީ ޒާހިރާއި ޑރ. އަޒްމިރަލްދާ ޒާހިރު ވަކިކުރުމަށް ޖުޑީޝަލް ސަރވިސް ކޮމިޝަން (ޖޭއެސްސީ)ގެ ތަޙުޤީޤު ކޮމިޓީން ނިންމައިފިއެެވެ.
މި ނިންމުން ނިންމާފައިވަނީ ބަންދު އަމުރަކަށް ނުފޫޒު ފޯރުވި ކަމަށް ބުނާ މައްސަލައިގެ ތަޙުޤީޤު ރިޕޯޓުގައެވެ.
މައްސަލައިގެ ތަހުގީގަށް ކަށަވަރުކުރެވުނު ގޮތުގައި އަޒްމިރަލްދާގެ ފިރިކަލުން އިސްމާއީލް ލަތީފުގެ ބަންދު އަމުރަކަށް ނުފޫޒު ފޯރުވާފައި ވެއެވެ. ފަނޑިޔާރު ހުސްނުއްސުޢޫދު ވަނީ މި މައްސަލައާ ގުޅިގެން ސަސްޕެންޑްކުރެވި، ފަހުން އިސްތިއުފާ ދީފައެެވެ.
