މިދިޔަ ތިންއަހަރަށްވުރެ މި އަހަރުގެ ފުރަތަމަ ކުއާޓަރުގައި ރާއްޖެ އަށް އައި ފަތުރުވެރިންހެ އަދަދު އިތުރުވެއްޖެ ކަމަށް ޓޫރިޒަމް މިނިސްޓްރީގެ ތަފާސް ހިސާބުތަކުން ދައްކައިފިއެވެ.
ޓޫރިޒަމް ތަފާސް ހިސާބުތަކުން ދައްކާ ގޮތުން މިއަހަރުގެ ފުރަތަމަ ކުއާޓަރުގައި ރާއްޖެ އައީ 647،677 ފަތުުރުވެރިންނެވެ. މިދިޔަ އަހަރު މި މުއްދަތުގައި އައީ 615،415 ފަތުރުވެރިންނެވެ. އެހެންކަމުން މިއީ މިދިޔަ އަހަރުގެ ފުރަތަމަ ކުއާޓަރަށް ވުރެ ފަސް ޕަސެންޓްގެ އިތުރުވުމެކެވެ
2023 ވަނަ އަހަރު އައީ 538،172 ފަތުރުވެރިންނެވެ. 2022 ވަނަ އަހަރު މި މުއްދަތުގައި އައީ 441،434 ފަތުރުވެރިންނެވެ.
ތަފާސް ހިސާބުތައް ދައްކާ ގޮތުން ޗައިނާއިން 75،135 ފަތުރުވެރިން ރާއްޖެ އައިސްފައިވާ އިރު އެއީ ރާއްޖެ އައި ފަތުރުވެރިންގެ 11.6 ޕަސެންޓް އެވެ.
ދެވަނައިގައި 10.6 ޕަސެންޓްއާއެކު އޮތީ ރަޝިއާ މާކެޓެވެ. އެއީ 68،375 ފަތުރުވެރިން ނެވެ.
އިންޑިއާ މާކެޓުން ރާއްޖެ ޒިޔާރަތްކޮށްފައި ވަނީ 32،702 ފަތުރުވެރިން ނެވެ.
ސަރުކާރުގެ އަމާޒަކީ މި އަހަރު 2.2 މިލިއަން ފަތުރުވެރިން ރާއްޖެ ގެނައުމެވެ.
