ޓްރާންސްޕޯޓް މިނިސްޓްރީގެ ރަސްމީ ތަތްގަނޑުތަކެއް އުކާލާފައިކަމަށް ފެންނަ ފޮޓޯތަކަކީ 2021 ގެ ފޮޓޯތަކައް: މިނިސްޓްރީ

އަައިޝަތު ޒީނާ | 18 ގަޑިއިރު ކުރިން - 23:32
2021 ވަނަ އަހަރު އުކާލާފައި ހުރި ޓްރާންސްޕޯޓް މިނިސްޓްރީގެ ރަސްމީ ތަތްގަނޑުތައް.
2021 ވަނަ އަހަރު އުކާލާފައި ހުރި ޓްރާންސްޕޯޓް މިނިސްޓްރީގެ ރަސްމީ ތަތްގަނޑުތައް.
ޚުލާސާ

މިނިސްޓްރީން ބުނީ އެ ފޮޓޯތައް ސޯޝަލް މީޑިއާގައި މިހާރު ދައުރުވަމުން އަންނާތީ، އެކަން ހިނގާފައިވަނީ މިފަހުންކަން ބައެއް ފަރާތްތަކަށް ޤަބޫލުކުރެވުމުގެ ފުރުޞަތު އެބަ އޮތް ކަމަށް.

ޓްރާންސްޕޯޓް މިނިސްޓްރީގެ ރަސްމީ ތަތްގަނޑުތަކެއް އުކާލާފައިކަމަށް ފެންނަ ފޮޓޯތަކަކީ 2021 ގެ ފޮޓޯތަކައް ކަމަށް އެ މިނިސްޓްރީން ބުނެފިއެވެ.

ޓްރާންސްޕޯޓް މިނިސްޓްރީން އެކްސްގައި ކުރި ޕޯސްޓެއްގައި ބުނީ އިސްލާމިކް ބޭންކް ކުރިމަތީގައި އޮންނަ ޕާކިންގ ޒޯން ތެރެއަށް މިނިސްޓްރީގެ ރަސްމީ ތަތްގަނޑުތަކެއް އުކާލާފައި ކަމަަށް ބުނެ ދައުރުކުރަމުން އަންނަނީ 2021 ގެ ފޮޓޯތަކެއް ކަމަށެވެ.

އެ ތަތްގަނޑުތަކަކީ މިހާރުގެ މިނިސްޓްރީގެ ތަތްގަނޑުތަކެއް ނޫން ކަމަށް މިނިސްޓްރީން ބުންޏެވެ.

މިނިސްޓްރީން ބުނީ އެ ފޮޓޯތައް ސޯޝަލް މީޑިއާގައި މިހާރު ދައުރުވަމުން އަންނާތީ، އެކަން ހިނގާފައިވަނީ މިފަހުންކަން ބައެއް ފަރާތްތަކަށް ޤަބޫލުކުރެވުމުގެ ފުރުޞަތު އެބަ އޮތް ކަމަށެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެެރިކަމާ ހަވާލުވެވަޑައިގަތް ފަހުން އެފަދަ އެއްވެސް ކަމެއް ހިނގާފައި ނުވާކަމަށް މިނިސްޓްރީން ބުންޏެވެ. އަދި މި ސަރުކާރުގައި އެފަދަ އެއްވެސް ކަމެއް ނުވެސް ހިނގާނެ ކަމުގެ ޔަޤީންކަން މިނިސްޓްރީން ވަނީ ދީފައެވެ.

TelegramTwitterYoutubeTiktokViberFacebookInstagram

0 ރިއެކްޝަންސް / 0 ކޮމެންޓް

0%
0%
0%
0%
0%