ދިރާސީ އާ އަހަރަށް ދަރިވަރުންނަށް ބޭނުންވާ ޓެކްސްޓް ފޮތްތައް ސުކޫލުތަކަށް ފޮނުވަން ފަށާފައިވާ ކަމަށް ތަޢުލީމީ ވުޒާރާއިން މިއަދު ބުނެފިއެވެ.
ފޮތްތައް ލިބުން ލަސްވުމާ ގުޅިގެން ބެލެނިވެރިން އަންނަނީ ފޮތް ލިސްޓު ހަމަނުވާކަމުގެ ކަންބޮޑުވުން ފާޅުކުރަމުންނެވެ.
އެކަމާ ގުޅޭގޮތުން ވުޒާރާއިން ބުނީ ގްރޭޑް ހަތަރަކާ ފަހެއްގެ ފޮތްތައް ނޫނީ ހުރިހާ ގްރޭޑުތަކެއްގެ ފޮތްތައް އަތޮޅުތެރޭ ސުކޫލުތަކަށް ފޮނުވާފައިވާ ކަމަށެވެ. އަދި ކުރިއަށް އޮތް ދެދުވަސް ތެރޭގައި އެ ފޮތްތައްވެސް ފޮނުވާ ނިމޭނެ ކަމަށް ވުޒާރާއިން ބުންޏެވެ.
ވުޒާރާއިން ބުނީ މާލޭގެ ސްކޫލުތަކަށް ފޮތްތައް ފޮނުވާ ނިންމާފައިވާ ކަމަށެވެ.
އަންނަ ހަފުތާގައި ފަށާ ދިރާސާ އަހަރު ނިމޭނީ އަންނަ ޑިސެމްބަރު މަހުގެ 25އަށެވެ. އެއަށްފަހު އައު ދިރާސީ އަހަރު ފަށާނީ ޖަނަވަރީ 27ގައެވެ.
ދިރާސީ އަހަރު ޖަނަވަރީ މަހު ފަށާ ގޮތަށް ބަދަލު ކުރުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވައުދުފުޅެއްކަން ފާހަގަކޮށްލެވެއެވެ.