17 އަހަރުން ދަށުގެ ސާފް ޗެމްޕިއަންޝިޕުގައި ވާދަކުރުމަށް ރާއްޖޭގެ ޒުވާން ޓީމު ބޫޓާނަށް ފުރައިފި

އައިޝަތު ރުވާ ރިފްޢަތު | 198 ދުވަސް ކުރިން - 23:18
17 އަހަރުން ދަށު ރާއްޖެ ޓީމު / ފޮޓޯ: ޕީއެސްއެމް
17 އަހަރުން ދަށު ރާއްޖެ ޓީމު / ފޮޓޯ: ޕީއެސްއެމް
ޚުލާސާ

މި މުބާރާތް ބޭއްވުމަށް ހަމަޖެހިފައިވަނީ ބޫޓާނުގައި މި މަހުގެ 20 އިން 30 އަށް. ރާއްޖޭގެ ޓީމުން ކުޅޭ ފުރަތަމަ މެޗު އޮންނާނީ މި މަހުގެ 22 ވަނަ ދުވަހު ބަންގްލަދޭޝްއާ ދެކޮޅަށް.

ކުރިއަށް އޮތް 17 އަހަރުން ދަށުގެ ސާފް ޗެމްޕިއަންޝިޕުގައި ވާދަކުރުމަށް ރާއްޖޭގެ ޒުވާން ގައުމީ ފުޓްބޯޅަ ޓީމު މިއަދު ހަވީރުގެ ވަގުތެއްގައި ބޫޓާނަށް ފުރައިފިއެވެ. މި މުބާރާތް ބޭއްވުމަށް ހަމަޖެހިފައިވަނީ ބޫޓާނުގައި މި މަހުގެ 20 އިން 30 އަށެވެ.

މި މުބާރާތުގައި ރާއްޖެ ހިމެނެނީ އިންޑިއާ އާއި ބަންގްލަދޭޝް އާއެކު ގްރޫޕް އޭގައެވެ. އަދި ގްރޫޕް ބީގައި ހިމެނެނީ ބޫޓާން، ނޭޕާލް، ޕާކިސްތާން އަދި ސްރީ ލަންކާއެވެ. މުބާރާތުގެ ސެމީ ފައިނަލަށް ދާނީ ކޮންމެ ގްރޫޕަކުން އެންމެ ގިނަ ޕޮއިންޓް ހޯދާ ދެ ޓީމެވެ.

ރާއްޖޭގެ ޓީމުން ކުޅޭ ފުރަތަމަ މެޗު އޮންނާނީ މި މަހުގެ 22 ވަނަ ދުވަހު ބަންގްލަދޭޝްއާ ދެކޮޅަށެވެ. އަދި ދެވަނަ މެޗު ކުޅޭނީ އޭގެ ދެ ދުވަސް ފަހުން އިންޑިއާއާ ދެކޮޅަށެވެ.

މި މުބާރާތުގައި ވާދަކުރާ ރާއްޖޭގެ ޒުވާން ޓީމުގެ ކޯޗަކީ މުޙައްމަދު އާދަމެވެ. އޭނާއަކީ މީގެ ކުރިން ވިކްޓަރީ ސްޕޯޓްސް ކުލަބާއި ޔުނައިޓެޑް ވިކްޓަރީއަށް ފުރަތަމަ ޑިވިޝަނުގައި ކޯޗުކޮށްދީފައިވާ ތަޖުރިބާކާރު ކޯޗެކެވެ.

މުޙައްމަދު އާދަމްގެ އިރުޝާދުގެ ދަށުން ޒުވާން ޓީމުން ވަނީ މީގެ މަހެއްހާ ދުވަސް ކުރިން ފަރިތަކުރުންތައް ފަށައި، ތަމްރީނު ހޯދުމުގެ ގޮތުން އެކުވެރިކަމުގެ ގިނަ މެޗުތަކެއްވެސް ކުޅެފައެވެ.

TelegramTwitterYoutubeTiktokViberFacebookInstagram

0 ރިއެކްޝަންސް / 0 ކޮމެންޓް

0%
0%
0%
0%
0%