ލ އަތޮޅުން ފެށިގެން އައްޑޫ ސިޓީއަށް ހުދު ސަމާލު ނެރެފި

އަައިޝަތު ޒީނާ | 18 ގަޑިއިރު ކުރިން - 00:46
މީގެ ކުރިން އައްޑޫއަށް ކުރި ވިއްސާރައިގައި މަގުމަތީގައި ފެންބޮޑުވެފައި. / ފޮޓޯ: އެމްއެންޑީއެފް
މީގެ ކުރިން އައްޑޫއަށް ކުރި ވިއްސާރައިގައި މަގުމަތީގައި ފެންބޮޑުވެފައި. / ފޮޓޯ: އެމްއެންޑީއެފް
ޚުލާސާ

މެޓް އިން ބުނީ ދެކުނުގެ އެކި ހިސާބަށް ވިއްސާރަކުރާނެ ކަމަށާއި ބައެއް ރަށްތަކަށް ގުގުރުމާއެކު ބޯކޮށް ވާރޭ ވެހުން އެކަށީގެންވާ ކަމަށް.

ލ އަތޮޅުން ފެށިގެން އައްޑޫ ސިޓީއަށް ހުދު ސަމާލު ނެރެފިއެވެ.

މޫސުމާއި ބެހޭ ޤައުމީ އިދާރާ (މެޓް) އިން އެ ސަރަޙައްދަށް ހުދު ސަމާލު ނެރެފައިވަނީ މިރޭ 00:30 އިން ފެށިގެން ހެނދުނު 06:30 އާ ހަމައަށެވެ.

މެޓް އިން ބުނީ އެ ސަރަޙައްދަށް ބޯކޮށް ވާރޭ ވެހުމާއެކު ގުގުރާނެ ކަމަށް ލަފާކުރެވޭ ކަމަށެވެ.

މެޓް އިން ބުނީ ދެކުނުގެ އެކި ހިސާބަށް ވިއްސާރަކުރާނެ ކަމަށާއި ބައެއް ރަށްތަކަށް ގުގުރުމާއެކު ބޯކޮށް ވާރޭ ވެހުން އެކަށީގެންވާ ކަމަށެވެ. އަދި މެދުރާއްޖެތެރޭގެ ބައެއް ރަށްތަކަށް ކެރީގެ އަސަރު ފޯރިނަމަވެސް އުތުރުގެ މޫސުން އާންމު ގޮތެއްގައި ރަނގަޅުވާނެ ކަމަށް މެޓް އިން ބުންޏެވެ.

ވައި ޖެހޭނީ ދެކުނުގެ އަތޮޅުތަކަށް ދެކުނާއި ހުޅަނގުދެކުނުން އަދި އެހެން ހިސާބުތަކަށް އުތުރާއި އިރުއުތުރުން ގަޑިއަކު 5 މޭލާއި 15 މޭލާ ދެމެދުގެ ބާރުމިނުގައި ކަމަށް މެޓް އިން ބުންޏެވެ.

މީގެ އިތުރުން، ކަނޑުތައް އާދައިގެ ވަރަކަށް މަޑުވާނެ ކަމަށާއި ރާޅުގެ އުސްމިނުގައި 1 - 3 ފޫޓު ހުންނާނެ ކަމަށް މެޓް އިން ބުންޏެވެ.

TelegramTwitterYoutubeTiktokViberFacebookInstagram

0 ރިއެކްޝަންސް / 0 ކޮމެންޓް

0%
0%
0%
0%
0%