ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުالله އުޒްބަކިސްތާނަށް ވަޑައިގެންފިއެވެ.
އުޒްބަކިސްތާނުގައި މިހާރު ކުރިއަށްދާ އިންޓަ-ޕާލިމެންޓަރީ ޔުނިއަންގެ 150 ވަނަ އެސެމްބްލީގައި ބައިވެރިވެވަޑައިގަތުމަށް އެމަނިކުފާނު ވަޑައިގެންނެވިއިރު، އެ ބައްދަލުވުން ކުރިއަށްދާނީ އަޒްރްބައިޖާންގެ ވެރިރަށް ތަޝްކެންތުގައި މި މަހުގެ 5 އިން 9 އަށެވެ.
އުޒްބެކިސްތާނުގެ ޕާލަމެންޓަކީ ދެ ޗެމްބަރެއްގެ މައްޗަށް އެކުލެވޭ ޤާނޫނު ހަދާ މަޖިލީހެކެވެ:
1. ލިޖިސްލޭޓިވް ޗެމްބަރ (ދަށުގޭ) – 150 މެންބަރުން
2. ސެނެޓް (މަތީ މަޖިލިސް) – 100 މެންބަރުން (84 މެންބަރުން އިންތިޚާބުވެވަޑައިގެން އަދި 16 މެންބަރުންނަކީ ރައީސުލްޖުމްހޫރިއްޔާ އައްޔަން ކުރައްވާ މެންބަރުން)
ޖުމްލަކޮށް ބަލާއިރު، އުޒްބެކިސްތާނުގައި ރައްޔިތުންގެ މަޖިލީހުގައި 250 މެންބަރުން ތިއްބަވައެވެ.
އުޒްބެކިސްތާނުގެ ސެނެޓްގެ ޗެއާމަން (ރައީސް) އަކީ ތަންޒިލާ ނަރްބަޔޭވާއެވެ.
ލެޖިސްލޭޓިވް ޗެމްބަރުގެ ރައީސް އަކީ ނޫރޑިންޖޮން އިސްމޮއިލޯވްއެވެ.
މަޖިލީހުގެ އިދާރާއިން ބުނީ މި ދަތުރުގައި ޕީއެންސީގެ މެންބަރުންގެ އިތުުރުން އިދިކޮޅު އެމްޑީޕީގެ ބައެއް މެންބަރުންވެސް ބައިވެރިވެވަޑައިގަންނަވާނެ ކަމަށެވެ.
އެއީ މަޖިލީހުގެ މައިނޯރިޓީ ލީޑާ ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލް، މާފަންނު މެދު ދާއިރާގެ މެންބަރު އަސްމާ ރަޝީދު، ހުރާ ދާއިރާގެ މެންބަރު ޑރ. އަނާރާ ނައީމް، މާފަންނު ދެކުނު ދާއިރާގެ މެންބަރު ޢަބްދުﷲ ރިފާއު އަދި ހެންވޭރު ދެކުނު ދާއިރާގެ މެންބަރު ހުސައިން އިމްރާން ލަތީފް އެވެ.
