ވެލާނާ އެއާޕޯޓަށް ފުރަން ދިޔަ ބިދޭސީއެއްގެ އަތުން ވަޒަންތަކެއް ފެނިއްޖެ އެވެ.
ފުލުހުން މިއަދު ބުނީ ރޭ ވެލާނާ އެއާޕޯޓުން ފުރަން ދިޔަ ބިދޭސީއެއްގެ އަތުން ވަޒަންތަކެއް ފެނިފައިވާ މައްސަލައެއް ތަހުގީގުކުރަމުން އަންނަ ކަމަށެވެ.
އެއީ ކޮން ގައުމެއްގެ މީހެއް ކަމެއް ފުލުހުން އަދި ނުބުނެ އެވެ.
މި މައްސަލައާ ގުޅިގެން ފުލުހުން ބެލުމުގެ ދަށަށް ގެންދިޔަ މީހާގެ ބަންދާ މެދުގައި ގޮތެއް ނިންމުމަށް ކޯޓަށް ހާޒިރުކުރުމުން އޭނާ ހަ ދުވަހަށް ބަންދުކުރަން އަމުރުކޮށްފައިވާ ކަމަަށް ފުލުހުން ބުންޏެވެ.
ނަމަވެސް، އެ މައްސަލައާ ގުޅޭ އިތުރު އެއްވެސް ތަފުސީލެއް ފުލުހުން އަދި ނުދެއެވެ.
