ކުރިއަށް އޮތް ދެ ދުވަހު ވެލާނާ އިންޓަރނޭޝަނަލް އެއަރޕޯޓު ބާރުބޮޑުވާނެތީ އުޅަނދު ދުއްވާ ފަރާތްތަކުން ފުލުހުންގެ އިރުޝާދުތަކާ އެއްގޮތަށް ޢަމަލުކުރުމަށް އެ އިދާރާއިން އިލްތިމާސްކޮށްފިއެވެ.
ފުލުހުން ބުނީ މި މަހުގެ 4 އަދި 5 ވަނަ ދުވަހު އެއަރޕޯޓަށް ޒިޔާރަތްކުރާ ފަރާތްތައް އިތުރުވެ، ޓްރެފިކް ފްލޯއަށް ބާރުބޮޑުވާނެކަމަށް ލަފާކުރެވޭތީ، މި ދެ ދުވަހު އެއަރޕޯޓަށް ދަތުރުކުރާ އެއްގަމު އުޅަނދުފަހަރު ދުއްވާ ފަރާތްތަކުން ފުލުހުން ދޭ އިރުޝާދުތަކާ އެއްގޮތަށް ޢަމަލުކުރުމަށް ދަންނަވާ ކަމަށެވެ.
އެއަރޕޯޓު ބާރުބޮޑުވާނެ ކަމަށް ލަފާކުރެވެނީ ގިނަ ޢަދަދެއްގެ ޢުމްރާވެރިންނާއި ފިޠުރު ޢީދުގެ ޗުއްޓީއާއި ގުޅިގެން މާލެ އަންނަ އަދި މާލެއިން ފުރާ ފަރާތްތައް ގިނަވާނެތީ ކަމަށް ފުލުހުން ބުނެފައިވެއެވެ.
ފުލުހުން ވަނީ މިފަދަ ކަންކަމުގައި އާންމު ރައްޔިތުން ދޭ އެއްބާރުލުން ފާހަގަކޮށް ޝުކުރު އަދާކޮށްފައެވެ.
