މިރޭ ކަނޑުމަތީގައި ދިމާވި ނުރައްކާތެރި އަލިފާނުގެ ހާދިސާއަށްފަހު ގެއްލިގެން ހޯދަމުން ދަނީ ވިލާ އިންޓަނޭޝަނަލް ހައި ސްކޫލްގެ ސްޓާފް މެމްބަރެކެވެ.
އަލީ މުޝްފީގު މުހައްމަދު ޝަރީފް ގެއްލިގެން ވިލާ އިންޓަނޭޝަނަލް ހައި ސްކޫލުން ވަނީ އެކަމުގެ ކަންބޮޑުވުން ފާޅުކޮށް، އޭނާ ސަލާމަތުން އެނބުރި އައުމަށް ދުއާ ކުރުމަށް އާންމުންގެ ކިބައިން އެދިވަޑައިގެން އެ ސްކޫލްގެ ރަސްމީ ފޭސްބުކް ޕޭޖުގައި ވެސް ޕޯސްޓެއް ކޮށްފައެވެ.
މަޢުލޫމާތު ލިބިފައިބާ ގޮތުގައި ބޯޓުން ޖުމުލަ 18 މީހަކު ދަތުރުކުރަމުން އައިއިރު އޭގެތެރޭގައި ހިމެނެނީ 11 ދިވެހިންނާއި 7 ބިދޭސީންނެވެ.
އެމްއެންޑީއެފުން ބުނީ 17 މީހަކު ސަލާމަތްކޮށްފައިވާއިރު ލ. މާވަށަށް ނިސްބަތްވާ އުމުރުން 25 އަހަރުގެ އަލީ މުޝްފިޤް މުޙައްމަދު ހޯދުމުގެ މަސައްކަތް އަދިވެސް ކުރަމުންދާ ކަމަށެވެ.
