ރިއަލް މެޑްރިޑްގެ ފްރާންސްގެ ސްޓްރައިކަރު ކިލިއަން އެމްބާޕޭ އޭނާގެ ފުރަތަމަ ސީޒަންގައި އިތުރު ރެކޯޑެއް ޤާއިމްކޮށްފިއެވެ. ވިލަރިއާލްއާ ދެކޮޅަށް ކުޅުނު މެޗުގައި އެމްބާޕޭ ޖެހި ދެ ގޯލާއެކު އޭނާގެ މި ސީޒަންގެ ގޯލުގެ އަދަދު 31 އަށް އަރާފައިވެއެވެ. މިއީ ރިއަލް މެޑްރިޑްގެ ތާރީޚުގައި ފުރަތަމަ ސީޒަންގައި އެންމެ ގިނަ ގޯލު ޖަހާފައިވާ ކުޅުންތެރިންގެ ތެރެއިން ހަތަރުވަނަ އެންމެ ގިނަ ގޯލު ޖަހާފައިވާ ކުޅުންތެރިޔާއެވެ.
ލަނޑު ޖެހުމަށްފަހު ޓީމުގެ ކުޅުންތެރިންނާއެކު އެމްބާޕޭ އުފާ ފާޅުކުރަނީ.
ރޭ ކުޅުނު މެޗުގައި ރިއަލް މެޑްރިޑް ވިލަރިއާލްއާ ދެކޮޅަށް 2-1 އިން މޮޅުވިއެވެ. މި މެޗުގައި އެމްބާޕޭގެ ދެ ގޯލުގެ މުހިންމު ދައުރެއް އަދާކޮށްފައިވެއެވެ. މި ދެ ގޯލާއެކު އެމްބާޕޭ ވަނީ ރިއަލް މެޑްރިޑްގެ ކުރީގެ ތަރިން ކަމަށްވާ ހޫގޯ ސާންޗެޒް އަދި ދަވޯ ޝޫކަރގެ ރެކޯޑު ފަހަނައަޅާފައެވެ. ސާންޗެޒް އަދި ޝޫކަރ ވަނީ އެ ދެ ކުޅުންތެރިންގެ ފުރަތަމަ ސީޒަންގައި 29 ގޯލު ޖަހާފައެވެ.
އެމްބާޕޭ މިހާތަނަށް ވަނީ 43 މެޗުގައި 31 ގޯލު ޖަހ ޖަހާފައެވެ. މިއީ މެޗަކަށް 0.72 ގޯލުގެ ރޭޓެކެވެ. ސީޒަން ނިމެން އަދިވެސް ގިނަ މެޗުތަކެއް ބާކީ އޮތުމާއެކު، އެމްބާޕޭއަށް އިތުރު ރެކޯޑުތައް ޤާއިމްކުރުމުގެ ފުރުޞަތު އެބައޮތެވެ. ރިއަލް މެޑްރިޑްގެ ފުރަތަމަ ސީޒަންގައި އެންމެ ގިނަ ގޯލު ޖަހާފައިވަނީ އިވާން ޒަމޮރާނޯއެވެ. އޭނާ ވަނީ 37 ގޯލު ޖަހާފައެވެ.
ލަނޑު ޖެހުމަށްފަހު ޓީމުގެ ކުޅުންތެރިންނާއެކު އެމްބާޕޭ އުފާ ފާޅުކުރަނީ.: ރޭ އެމްބާޕޭ ދެގޯލު ޖެހި.
ރިއަލް މެޑްރިޑްގެ ކޯޗު ކާލޯ އެންޗެލޮޓީގެ ސިސްޓަމަށް އެމްބާޕޭ އަހުލުވެރިވެފައިވާ ގޮތާއި، އޭނާގެ ޕަފޯމަންސްއަށް ބަލާއިރު، މި ސީޒަންގައި އިތުރު ރެކޯޑުތަކެއް ޤާއިމްކުރާނެ ކަމަށް ގިނަ ބަޔަކު ލަފާކުރެއެވެ. ލަ ލީގާ، ޗެމްޕިއަންސް ލީގު، ކޯޕާ ޑެލް ރޭ އަދި ކްލަބް ވޯލްޑް ކަޕްގެ މެޗުތައް އަދިވެސް ކުރިއަށް ހުރުމާއެކު، އެމްބާޕޭއަށް އިތުރު ގޯލުތައް ޖެހުމުގެ ފުރުޞަތު ބޮޑުކަމަށް ފާހަގަކުރެވެއެވެ.
