އައިޓީބީ ފެއާގައި ބައިވެރިވެވަޑައިގަތުމަށް ޓޫރިޒަމް އެންޑް އެންވަޔަރަމަންޓް މިނިސްޓަރ ޠާރިޤް އިބްރާހިމް ޖަރުމަނަށް ފުރާވަޑައިގެންފިއެވެ.
މާދަމާއިން ފެށިގެން ބުރާސްފަތި ދުވަހަށް ކުރިއަށްގެންދާ މި ފެއާ އޮންނާނީ ޖަރުމަނުގެ ވެރިރަށް ބާލިންގައި ހުންނަ ބާލިން އެކްސްޕޯސިޓީ ސެންޓަރުގައެވެ.
މިނިސްޓަރ ޠާރިޤްގެ މި ދަތުރުފުޅުގައި ފަރުވެރިކަމުގެ ދާއިރާއިން ރާއްޖެއާއި ރާއްޖެއިން ބޭރުގެ އިންޑަސްޓްރީ ޕާޓްނަރުންނާ ބައްދަލުކުރެއްވުމަށް ހަމަޖެހިފައިވާ ކަމަށް މިނިސްޓްރީން ބުންޏެވެ. އަދި މި ފެއާގައި ލީޑިން ޓްރެވަލް ޑެސްޓިނޭޝަނެއްގެ ގޮތުގައި ރާއްޖެ އިސްތިހާރުކުުރުގެ މަސައްކަތްވެސް މިނިސްޓަރ ކުރައްވާނެ ކަމަށް މިނިސްޓްރީން ބުންޏެވެ.
އައިޓީބީ ފެއާއަކީ ރާއްޖެއިން ބައިވެރިވާ ފެއާތަކުގެ ތެރެއިން އެންމެ މަޤުބޫލު އެއް ފެއާކަން ފާހަގަކޮށްލެވެއެވެ.
