މިއަދު މާލެއަށް ބޯކޮށް ވެހުނު ވާރޭއާއި ގުޅިގެން މާލޭގެ ބައެއް މަގުތަކުގައި ފެންބޮޑުވެފައި ވާތީ، ސަރުކާރުގެ ކަމާއިގުޅޭ މުއައްސަސާތަކުން ގުޅިގެން ފެންހިންދުމުގެ މަސައްކަތް ފަށައިފި ކަމަށް ރައީސް އޮފީހުގެ ތަރުޖަމާނު ހީނާ ވަލީދު ވިދާޅުވެއްޖެއެވެ.
ހީނާ ވިދާޅުވީ، ކަމާއި ގުޅުން ހުރި ސަރުކާރުގެ މުއައްސަސާތައް ގުޅިގެން ފެން ހިންދުމުގަ އާއި ވެލި ބަސްތާތައް ޖެހުމުގެ މަސައްކަތް މިހާރު ދަނީ ކުރަމުންނެވެ.
ރާއްޖެއަށް ކުރަމުންދާ ބޯ ވިއްސާރައިގައި ރައްޔިތުންގެ މުދާތައް ސަލާމަތް ކުރުމުގައި އެމްއެންޑީއެފުން ޙަރަކާތްތެރިވަނީ. ކޮންމެ ރައްޔިތަކަށް ދިމާވާ ކޮންމެ ކަމެއްގައި ވެސް ސަރުކާރުން ގެންދަނީ އެހީތެރިކަން ފޯރުކޮށްދެމުން / ފޮޓޯ: ޚުލާޞާ
ރާއްޖެއަށް ކުރަމުންދާ ބޯ ވިއްސާރައާއި ގުޅިގެން ފެން ބޮޑުވެފައިވާ މާލޭގެ މަގުތަކަށް ކަމާއި ގުޅުންހުރި ފަރަތްތަކުން ނުކުމެ ފެން ހިންދުމުގެ މަސައްކަތުގައި / ފޮޓޯ: ޚުލާޞާ
ހީނާ ވަލީދު ވިދާޅުވި ގޮތުގައި، ވިއްސާރައިގެ ސަބަބުން ރައްޔިތުންނަށް ދިމާވާ ދަތިތައް ކުޑަކުރުމަށާއި ރައްޔިތުންގެ ޙާލު ގާތުން ބަލައި އެހީތެރިކަން ފޯރުކޮށްދިނުމުގެ މަސައްކަތް ސަރުކާރުގެ ކަމާބެހޭ ހުރިހާ އިދާރާތައް ގުޅިގެން ޚާއްޞަ ސަމާލުކަމަކާއެކު ދަނީ ކުރިއަށް ގެންދަވަމުންނެވެ.
ބައެއް ގެތަކަށާއި ފިހާރަތަކށް ފެންވަދެ، މުދަލަށް ގެއްލުންވެފައިވާ ކަމަށް ވެސް މައުލޫމާތު ލިބިފައިވެއެވެ.
