އެކްޝަން ނުނަގައިފިނަމަ ޓުއަރިޒަމް ސިނާޢަތަށް ލޮޅުން އަރާނެ ކަމުގެ އިންޒާރު މަޓާޓޯގެ ނައިބު ރައީސް ދެއްވައިފި

އައިޝަތު އީމާން | 81 ދުވަސް ކުރިން - 08:38
މަޓާޓޯގެ ނައިބުރައީސް މުޙައްމަދު ޝާޒް ވަލީދު (ކ. 4 ވަނައަށް) އާއި އެގްޒެކެޓިވް ކޮމިޓީގެ މެންބަރުން / ފޮޓޯ: މަޓާޓޯ
މަޓާޓޯގެ ނައިބުރައީސް މުޙައްމަދު ޝާޒް ވަލީދު (ކ. 4 ވަނައަށް) އާއި އެގްޒެކެޓިވް ކޮމިޓީގެ މެންބަރުން / ފޮޓޯ: މަޓާޓޯ
ޚުލާސާ

ލަންކާއިން އެޅި ހަރުދަނާ ފިޔަވަޅުތަކުގެ ސަބަބުން، 2022ގައި 720,000 ފަތުރުވެރިން ޒިޔާރަތްކުރި އިރު، އެ ޢަދަދު 2023 ގައި 1.5 މިލިއަނަށް އަރައި އަދި 2024 ވަނަ

ސްރީލަންކާގެ ފަތުރުވެރިކަމުގެ ދާއިރާއަށް އަންނަމުންދާ ކުރިއެރުމުގެ ސަބަބުން ރާއްޖެއިން އެކްޝަން ނުނަގައިފިނަމަ ރާއްޖޭގެ ފަތުރުވެރިކަމަށް ނޭދެވޭ އަސަރު ކޮށްފާނެކަމަށް ވިދާޅުވެ މަޓާޓޯގެ ނައިބު ރައީސް މުޙައްމަދު ޝާޒް ވަލީދު އިންޒާރު ދެއްވައިފައެވެ.

ރިސޯޓް ލައިފް ޓްރެވެލްގެ މެނޭޖިންގ ޑައިރެކްޓަރ އަދި ސީއީއޯ ވެސް ކަމުގައިވާ ޝާޒް ވިދާޅުވީ، ލަންކާ ސަރުކާރުން ފަތުރުވެރިކަމުގެ ދާއިރާއަށް ގެނެސްފައިވާ ހަރުދަނާ ބަދަލުތަކުގެ ސަބަބުން ރާއްޖެއިން އަވަސް ފިޔަވަޅުތަކެއް ނާޅައިފިނަމަ، ރާއްޖޭގެ ފަތުރުވެރިކަމަށް ބޮޑެތި ގޮންޖެހުންތަކާއި ކުރިމަތިލާން ޖެހިދާނެ ކަމަށެވެ.

ޝާޒް މި ކަންބޮޑުވުން ފާޅުކުރެއްވީ ރައީސުލްޖުމްހޫރިއްޔާ އަދި ސަރުކާރުގެ އިސް ވެރިންނާއި ސިނާއަތުގެ މުހިންމު ފަރާތްތައް ހިމެނޭ ވަޓްސްއެޕް ގްރޫޕެއްގައި އިއްޔެ އެވެ.

ޝާޒް ފާހަގަކުރެއްވި ގޮތުގައި ލަންކާ ސަރުކާރުން ވަނީ އެޤައުމުގެ ފަތުރުވެރިކަން ކުރިއެރުވުމަށް ބޮޑެތި ބަދަލުތަކެއް ގެނެސްފައެވެ. އެއަރޕޯޓްތަކުން ބޭރުގެ މަތިންދާ ބޯޓުތަކަށް ހެޔޮ އަގުތައް ހުށަހަޅައި ފަތުރުވެރިންގެ އަތުން ނަގާ ޓެކްސްތައް ކުޑަކުރުމުގެ ސަބަބުން ގިނަ ބަޔަކު ލަންކާއަށް މިސްރާބު ޖަހައިފި ކަމަށާޢި ލިބުނު ޢާމްދަނީ ވެސް ބޮޑުވެއްޖެ ކަމަށް މަޓާޓޯގެ ނައިބު ރައީސް ފާހަގަ ކުރައްވައެވެ.

2022 ވަނަ އަހަރު ލަންކާއަށް 720,000 ފަތުރުވެރިން ޒިޔާރަތްކުރި އިރު، 2023 ގައި ލަންކާއަށް ދިޔައީ 1.5 މިލިއަން ފަތުރުވެރިންނެވެ. ނަމަވެސް 2024 ވަނަ އަހަރު މި އަދަދު 1.4 މިލިއަނަށް އަރާފައިވާ ކަމަށް ޝާޒް ވިދާޅުވިއެވެ.

ރާއްޖޭގެ ފަތުރުވެރިކަން ދަށްވިޔަ ނުދިނުމަށް ޝާޒް ހުށަހެޅުއްވި ހައްލުތަކުގެ ތެރޭގައި ހިމެނެނީ:

1. މާލެ ސަރަހައްދުގެ ރިސޯޓްތަކުގެ ޓެކްސް ބޮޑުކުރުން

2. ދުރު އަތޮޅުތަކުގެ އެއަރޕޯޓްތަކަށް ޖައްސާ ފްލައިޓްތަކުން ނަގާ ފީ ކުޑަކުރުން

3. ދުރު އަތޮޅުތަކުން ނަގާ ޓެކްސް ކުޑަކުރުން

ޝާޒް ގޮވާލެއްވީ މިހާރުން މިހާރަށް ވެސް ޤާނޫނުތަކާއި ގަވާއިދުތައް އިސްލާހުކޮށް، ފަތުރުވެރިކަން ދަށްވިޔަ ނުދިނުމަށް ފިޔަވަޅު އެޅުމަށެވެ. އަދި ދުރާލައި ރޭވުންތެރިކަމާއެކު މިކަމަށް ހައްލު ހޯދުމަށް ސަރުކާރާއި ޓޫރިޒަމް މިނިސްޓްރީއަށް މަޓާޓޯގެ ނައިބުރައީސް ގޮވާލެއްވިއެވެ

TelegramTwitterYoutubeTiktokViberFacebookInstagram

0 ރިއެކްޝަންސް / 0 ކޮމެންޓް

0%
0%
0%
0%
0%