ޖެނުއަރީ މަހުގެ ޓްރާންސްފާ ބާޒާރު ކައިރިވަމުން އަންނައިރު، އޭއެސް ރޯމާގެ ޕައުލޯ ޑިބާލާ ވިއްކާލާނެ ކަމަށް ވަރަށް ބޮޑަށް ބެލެވެއެވެ. ޑިބާލާގެ އެޖެންޓް ކާލޯސް ނޮވެލް ވަނީ ވަރަށް ފަހުން ގަލަތަސަރާއީގެ އޮފިޝަލުންނާ މަޝްވަރާކޮށްފައެވެ.
ޖެނުއަރީ މަހު ރޯމާގެ މެނޭޖްމަންޓުން ބޮޑު އޯވަހޯލެއް ހެދުމަށް ތައްޔާރުވެފައިވާ ކަމަށް ފެންނައިރު، އުމުރުން 31 އަހަރުގެ ފޯވާޑާ އެކު ކޮންޓްރެކްޓް އާކުރުމުގެ މަޝްވަރާތައް ފެށުމަށް ކްލަބުން ފަސްޖެހުމުން އޭނާ ގަލަތަސާރާއީއަށް ވިއްކާލަން އުޅޭ ކަމުގެ ޝައްކުތައް ދަނީ އިތުރުވަމުންނެވެ.
2024 ވަނަ އަހަރުގެ ޑިސެމްބަރު މަހުގެ ނިޔަލަށް ޖުމްލަ 95 މެޗު ކުޅެދީ، ހުރިހާ މުބާރާތެއްގައި ޖަހާފައިވަނީ 36 ގޯލެވެ.
2022-2023 ވަނަ އަހަރުގެ ސެރީއާ ސީޒަނުގައި އޭނާ ވަނީ 25 މެޗު ކުޅެ 12 ގޯލް ޖަހައި ނުވަ އެސިސްޓް ދީފައެވެ.
2023-2024 ވަނަ އަހަރުގެ ސީޒަނުގައި އޭނާ ވަނީ ލީގުގެ 28 މެޗުގައި ކުޅެ، 13 ގޯލް ޖަހައި، އެއް އެސިސްޓް ދީފައެވެ.
2024-2025 ސީޒަނަށް ޑިބާލާ ވަނީ ސެރީއާގެ 13 މެޗުގައި ދެ ގޯލު ޖަހައިފައެވެ.
