މ.ގްރީން ބިލްޑިންގ ގައި ހިނގި އަލިފާނުގެ ހާދިސާއާއި ގުޅިގެން ވަގުތީހިޔާ އަށް ބަދަލުވި 29 މީހުންގެ ތެރެއިން 5 މީހަކު ގެއަށް ބަދަލުވެއްޖެ ކަމަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނެފިއެވެ.
އެންޑީއެމްއޭ އިން މިއަދު ސޯޝަލް މީޑިއާގައި ޝާއިޢުކުރި ޕޯސްޓެއްގައި ބުނިގޮތުގައި، މިހާރު ވަގުތީހިޔާގައި ތިބި 22 މީހުންނަށް އިތުރު 5 ދުވަހަށް ވަގުތީ ބޯހިޔާވަހިކަން ފޯރުކޮށްދެވޭނެއެވެ. މި ހާދިސާގައި ދުމުގެ އަސަރުކުރި ތިން އިމާރާތެއްގެ 7 ގޭބީސީއަކުން ޖުމްލަ 29 މީހުން ވަގުތީހިޔާއަށް ބަދަލުކުރެވުނުކަމަށާއި މީގެ ތެރޭގައި ހިމެނެނީ 15 ފިރިހެނުންނާއި 14 އަންހެނުން ކަމަށް އެންޑީއެމްއޭއިން ހާމަކުރިއެވެ.
އެންޑީއެމްއޭ އިން އިތުރަށް ހާމަކުރި ގޮތުގައި، މި ފަރާތްތަކުގެ ތެރޭގައި ސިއްޚީ ހާއްސަ އެހީތެރިކަން ބޭނުންވާ ފަރާތެއްވެސް ހިމެނެއެވެ.
ދުމުގެ އަސަރުކުރި ގެތަކަކީ މ.ލޯކަށިގެ، މ.ކުދިމާވިލާ އަދި މ.ލޫބިޔާ ކަމަށް އެ އޮތޯރިޓީން ބުންޏެވެ.
