ބަދަލު ދިން މައްސަލައިގައި އިބޫގެ މައްޗަށް ޖިނާއީ ތަހުގީގެއް ކުރަން ކޮމިޓީން އަންގައިފި

އައިޝަތު ރުވާ ރިފްޢަތު | 113 ދުވަސް ކުރިން - 17:37
ކުރީގެ ރައީސް އިބްރާހީމް މުހައްމަދު ޞާލިޙް.
ކުރީގެ ރައީސް އިބްރާހީމް މުހައްމަދު ޞާލިޙް.
ޚުލާސާ

ޤާނޫނާއި ޚިލާފަށް ދައުލަތުގެ މުދަލާއި ފައިސާއަށް ޚިޔާނާތްތެރިވެ، އޭގެ ޙައްޤުވެރިންނަށް ނޫން އެހެން ފަރާތްތަކަށް ދޫކޮށްފައިވާ ކަމަށް ތުހުމަތުކުރެވޭތީވެ ރައީސް ޞާލިޙްގެ މައްޗަށް ޖިނާއީ ތަހުގީގެއް ހިންގުމަށް މާލިއްޔަތު ކޮމިޓީން މިއަދު ވަނީ ނިންމާފަ.

އެމްޑީޕީ ސަރުކާރުން އުފެއްދި ސެޓްލްމަންޓް ކޮމިޓީން ބަދަލުގެ ގޮތުގައި އެކި ފަރާތްތަކަށް ދީފައިވާ މުދަލާއި ފައިސާގެ މައްސަލައިގައި ކުރީގެ ރައީސް އިބްރާހީމް މުހައްމަދު ޞާލިޙްގެ މައްޗަށް ޖިނާއީ ތަހުގީގެއް ހިންގުމަށް މަޖިލީހުގެ މާލިއްޔަތު ކޮމިޓީން މިއަދު ނިންމައިފިއެވެ.

މާލިއްޔަތު ކޮމިޓީގެ މިއަދުގެ ބައްދަލުވުމުގައި ނިންމާފައިވަނީ އިބްރާހީމް މުހައްމަދު ޞާލިޙްގެ އިތުރުން، އިކޮނޮމިކް ކައުންސިލްގެ ކޯޗެއާ، ރައީސް އޮފީހުގެ ކުރީގެ މިނިސްޓަރު އަލީ ސިޔާމް އަދި ކުރީގެ އިކޮނޮމިކް މިނިސްޓަރު ފައްޔާޒް އިސްމާއީލްގެ މައްޗަށްވެސް ޖިނާއީ ތަހުގީގެއް ހިންގުމަށެވެ.

ކޮމިޓީގެ ނިންމުމުގައި ބުނެފައިވަނީ މި ފަރާތްތަކުން ދައުލަތުގެ އިސް މަގާމުތަކުގައި ތިބެ، ގާނޫނުއަސާސީއާއި ގާނޫނުން މަތިކޮށްފައިވާ ވާޖިބުތަކާއި ޚިލާފަށް، ދައުލަތުގެ މުދަލާއި ފައިސާއަށް ޚިޔާނާތްތެރިވެ، އެ ފައިސާއާއި މުދަލުގެ ހައްގުވެރިން ފިޔަވައި އެހެން ފަރާތަކަށް ލިބިދިނުމަށް މަސައްކަތް ކޮށްފައިވާ ކަމަށް ތުހުމަތު ކުރެވޭ ކަމަށެވެ.

މީގެ އިތުރުން، 2019 އިން 2023 އަށް ބަދަލު ދިނުމުގެ އުސޫލުގެ ދަށުން ސޮއިކޮށްފައިވާ އެއްބަސްވުންތަކަކީ ބާތިލް އެއްބަސްވުންތަކެއް ކަމަށް ކަނޑައަޅައި، އެ އެއްބަސްވުންތައް ބާތިލްކޮށް، ބަދަލުގެ ގޮތުގައި ދީފައިވާ އެއްޗެހި ދައުލަތަށް އަނބުރާ ހޯދުމަށް ބަންޑާރަ ނައިބަށާއި ކަމާ ގުޅުންހުރި އިދާރާތަކަށް އެންގުމަށް ވެސް ކޮމިޓީން ވަނީ ނިންމާފައެވެ.

ކުރީގެ ސަރުކާރުން އުފެއްދި ސެޓްލްމަންޓް ކޮމިޓީން ބިލިއަނަކަށްވުރެ ގިނަ ރުފިޔާގެ އަގުހުރި ބަދަލުތައް ހަމަޖައްސާފައިވާކަން ފާހަގަކުރެވެއެވެ. މިހާރުގެ ސަރުކާރުން މި ކޮމިޓީ އުވާލުމަށްފަހު، ބަންޑާރަ ނައިބުގެ އޮފީހުން ވަނީ މި މައްސަލަތައް ދިރާސާކުރުމަށް ޚާއްސަ ޓީމެއް އެކުލަވާލާފައެވެ.

މި މައްސަލައިގައި ދައުވާ ކުރެވޭ ވަރަށް ހެކި ލިބިއްޖެނަމަ ދައުވާ ކުރުމަށް ޕްރޮސިކިއުޓަރ ޖެނެރަލްއަށް ލަފާ ދިނުމަށްވެސް ކޮމިޓީން ވަނީ ނިންމާފައެވެ.

TelegramTwitterYoutubeTiktokViberFacebookInstagram

0 ރިއެކްޝަންސް / 0 ކޮމެންޓް

0%
0%
0%
0%
0%