އެމްޑީޕީ ސަރުކާރުން ފައިސާ ޗާޕްކުރިއިރުވެސް މަސްވެރިންނަށް ފައިސާ ނުދީ ހުރުމުން ސުވާލު އުފެދޭ: ވަޒީރު ޝިޔާމް

އުސްތާޛް މުޙައްމަދު ޢަލީ | 114 ދުވަސް ކުރިން - 14:23
މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަހުމަދު ޝިޔާމް / ފޮޓޯ: ޚުލާސާ
މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަހުމަދު ޝިޔާމް / ފޮޓޯ: ޚުލާސާ
ޚުލާސާ

ކުރީގެ ސަރުކާރުން ފައިސާ ޗާޕްކުރި ނަމަވެސް، މަސްވެރިންނަށް ދޭންޖެހޭ 250 މިލިއަނަށްވުރެ ގިނަ ރުފިޔާ ނުދައްކާ. ފައިސާ ޗާޕް ނުކޮށް މިސަރުކާރުން މިވަނީ މަސްކިރުވާތާ 48 ގަޑިއިރުތެރޭ ފައިސާ ދޭން ފަށާފަ.

ކުރީގެ ސަރުކާރުން ފައިސާ ޗާޕްކުރަމުން ދިޔައިރުވެސް މަސްވެރިންނަށް ދޭންޖެހޭ ފައިސާ ނުދައްކާ ހުރުމަކީ ސުވާލު އުފެދޭ ކަމެއް ކަމަށް މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަހުމަދު ޝިޔާމް ވިދާޅުވެއްޖެއެވެ،

ދައުލަތުގެ މީޑިއާއަށް ދެއްވި ޚާއްޞަ އިންޓަވިއުއެއްގައި ވަޒީރު ޝިޔާމް ފާހަގަކުރެއްވީ، ކުރީގެ ސަރުކާރުން ފައިސާ ޗާޕްކުރި ނަމަވެސް، މަސްވެރިންނަށް ދޭންޖެހޭ 250 މިލިއަނަށްވުރެ ގިނަ ރުފިޔާ ނުދައްކާ ހުރި ކަމަށެވެ. މިކަމާ ގުޅިގެން ވަޒީރު ވިދާޅުވީ، މިއީ އެއްވެސް ކަހަލަ ރޭވުންތެރިކަމެއް ނެތި ކޮށްފައި ހުރި ކަންތައްތަކެއް ކަމަށެވެ.

ނިމިދިޔަ ވެރިކަމުގައި ފައިސާ ޗާޕްކުރިއެވެ. ނަމަވެސް ސަރުކާރުގެ ކުންފުނިތައް އޮތީ ދައްކަންޖެހޭ ބިލްތައް ނުދެއްކި ރައްޔިތުންނަށް ދަރަނިވެރި ވެފައެވެ. ޚާއްޞަކޮށް މަސްވެރިންނަށް އެމީހުން ކިރުވާ ބިލްތަކަށް ފައިސާ ނުދައްކާ ހުރުމަކީ އެ ފައިސާ ޗާޕްކުރީ އެހެން މަޤްޞަދެއްގައި ކަމަށް ބުނުމުގެ ފުރުސަތު އޮތް ކަމެކެވެ.

މިސަރުކާރުން އެއްވެސް ފައިސާއެއް ޗާޕްކުރުމެއް ނެތި މަސްވެރިން ބާނާ މަސް ވިއްކައިގެން އެއިން ލިބޭ ފައިސާއިން ނުވަތަ މިފްކޯއަށް އެހެން ގޮތްގޮތުން ލިބޭ ފައިސާއިންވެސް ދަނީ ލަސް ކުރުމެއްނެތި މަސްވެރިންމަށް ފައިސާ ދެމުންނެވެ. އެގޮތުން ރައީސްގެ ވަޢުދު ކަމަށްވާ 48 ގަޑިއިރުތެރޭ ފައިސާ ދިނުމުގެ ވަޢުދުވެސް މިހާރު އެދަނީ ތަންފީޛް ކުރެވެމުންނެވެ.

ވަޒީރު ފާހަގަކުރެއްވީ، މިހާރުގެ ސަރުކާރުން މަސްވެރިކަމުގެ ސިނާޢަތު ކުރިއެރުވުމަށް ގިނަގުނަ މަސައްކަތްތަކެއް ކުރަމުންދާ ކަމަށެވެ. އޭގެ ތެރޭގައި ކުރިއަށް އޮތް ދެ އަހަރުގެ ތެރޭގައި ރާއްޖޭގެ މަސް ޕްރޮސެސިންގ ކެޕޭސިޓީ 300 ޓަނަށް އިތުރުކުރުމުގެ މަޝްރޫޢު ހިމެނެއެވެ.

"މި މަޝްރޫޢު ނިމުމުން، ރާއްޖެއަށް ބާނާ މަހުގެ 90 ޕަސެންޓުގެ އަގު އެއްކުރެވޭނެ ކެޕޭސިޓީ ގާއިމްކުރެވޭނެ. މިއީ މަސްވެރިކަމުގެ ސިނާޢަތަށް ލިބޭނެ ވަރަށް ބޮޑު ކުރިއެރުމެއް," ވަޒީރު ވިދާޅުވިއެވެ.

TelegramTwitterYoutubeTiktokViberFacebookInstagram

0 ރިއެކްޝަންސް / 0 ކޮމެންޓް

0%
0%
0%
0%
0%