ސްޓޭޑިއަމަކަށްވުރެ ބޮޑު ނުވަތަ 1300 ފޫޓުގެ ގިނިހިލައެއް ދުނިޔެއާ ވަރަށް ކައިރިން ދަތުރުކުރަމުންދާ ކަމަށް ނޭޝަނަލް އެރޮނޯޓިކްސް އެންޑް ސްޕޭސް އެޑްމިނިސްޓްރޭޝަން (ނާސާ) އިން ބުނެފިއެވެ.
އީޓައިމްސްގެ ރިޕޯޓެއްގައި ބުނެފައިވާ ގޮތުން، މި ގިނިހިލަ މި މަހުގެ ތެރޭގައި ދުނިޔެއާއި ކައިރިން ދަތުރުކުރާނެ ކަމަށް ލަފާކުރެވެއެވެ. މި ގިނިހިލައިގެ ސަބަބުން ދުނިޔެއަށް އެއްވެސް ގެއްލުމެއް ލިބިދާނެތޯ ބެލުމަށް ސައިންޓިސްޓުން ވަރަށް ގާތުން މޮނިޓަރކުރަމުން ގެންދާ ކަމަށް ވެސް އެ ރިޕޯޓުކުން ބުންޏެވެ.
މިހާތަނަށް ލިބިފައިވާ މަޢުލޫމާތު ތަކަށް ބަލާއިރު، މި ގިނިހިލަ ދަތުރުކުރަމުންދަނީ ގަޑިއިރަކު 44،000 ކިލޯމީޓަރުގެ ބާރު ސްޕީޑެއްގައެވެ. ނަމަވެސް، މި ގިނިހިލައިގެ ދުވެލި އިތުރުވެ، ސައިޒު ބޮޑުވި ކަމުގައިވިޔަސް، މީގެ ސަބަބުން ދުނިޔެއަށް އެއްވެސް ގެއްލުމެއް ނުވާނެ ކަމަށް ސައިންޓިސްޓުން ޔަގީންކަން ދީފައިވެއެވެ.
މި ގިނިހިލަ ފެންނަން ހުންނާނީ ދުނިޔެއިން 5.5 މިލިއަން ކިލޯމީޓަރު ދުރުން ކަމަށް ރިޕޯޓުތަކުގައި ބުނެފައިވެއެވެ.
ނާސާއިން މިފަދަ ބޮޑެތި ގިނިހިލަތައް އަބަދުވެސް ވަރަށް ގާތުން މޮނިޓަރކުރަމުން ގެންދަނީ، އޭގެ ސަބަބުން ދުނިޔެއަށް އެއްވެސް ކަހަލަ ނުރައްކަލެއް ކުރިމަތިވެދާނެތޯ ބެލުމަށެވެ. މިފަދަ ބޮޑެތި ގިނިހިލަތައް ފެންނަނީ ވަރަށް މަދުން ކަމަށާއި، އާންމުކޮށް މިފަދަ ގިނިހިލައެއް ފެންނަނީ 5 އަހަރުން ނުވަތަ 10 އަހަރުން އެއްފަހަރު ކަމަށް ރިޕޯޓުތަކުގައި ފާހަގަ ކުރެއެވެ.
