އިންޑިއާގެ ބޭސް އުފައްދާ ކުންފުންޏެއް ކަމަށްވާ އިކޯރް ބައޯލޮޖިކަލްސްގެ އުފައްދާފައިވާ އިމުގްލޯގެ ބެޗްތަކެއްގައި ކޮލިޓީގެ މައްސަލަތަކެއް ފެނިފައިވާތީ، ސަމާލުވުމަށް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން އަންގައިފިއެވެ.
އެމްއެފްޑީއޭ އިން ނެރުނު އެލަރޓެއްގައި ބުނެފައިވަނީ، މި ބޭހުގެ ބެޗްތަކެއްގައި ކޮލިޓީ މައްސަލަތަކެއް ފެނިފައިވާކަން ސްރީލަންކާގެ ބޭސް ރެގިއުލޭޓް ކުރާ އިދާރާ، ނޭޝަނަލް މެޑިސިން ރެގިއުލޭޓަރީ އޮތޯރިޓީ އިންނާއި ދުނިޔޭގެ ސިއްޙަތު ޖަމްއިއްޔާ (ޑަބްލިއުއެޗްއޯ) އިން ރިޕޯޓްކޮށްފައިވާ ކަމަށެވެ.
އެމްއެފްޑީއޭ އިން ބުނީ އިކޯރް ބައޯލޮޖިކަލްސްއަކީ ރާއްޖެއަށް ބޭސް އިމްޕޯޓް ކުރުމާއި ވިއްކުމުގެ ހުއްދަ ދީފައިވާ ބޭސް އުފައްދާ ކުންފުނިތަކުގެ ލިސްޓުގައި ހިމެނޭ ކުންފުންޏެއް ނޫން ކަމަށެވެ. އަދި ބޭސް އިމްޕޯޓް ކުރުމަށް ކަނޑައަޅާފައިވާ އެއްވެސް އުސޫލެއްގެ ދަށުން މި ބޭހުގެ އެއްވެސް ބެޗެއް، ރާއްޖެއަށް އެތެރެކޮށްފައި ނުވާކަން ކަށަވަރުވެފައިވާ ކަމަށް އެ އިދާރާއިން ބުނެފައިވެއެވެ.
މައްސަލަ ޖެހިފައިވާ ބޭހުގެ ތަފްސީލް:
ނަމަވެސް، އެމްއެފްޑީއޭ އިން ވަނީ އިންޑިއާ އާއި ސްރީލަންކާ ފަދަ ޤައުމުތަކަކީ، ގިނަ އަދަދެއްގެ ދިވެހިން ބޭސް ފަރުވާއަށް ގޮސް އުޅޭ ޤައުމުތަކަކަށް ވެފައި، ބައެއް ޙާލަތްތަކުގައި އަމިއްލަ ބޭނުމަށް މި ޤައުމުތަކުން ބޭސް އިމްޕޯޓް ކުރާތީ، މިކަމަށް ސަމާލުވުމަށް އާންމުންނަށް އިލްތިމާސްކޮށްފައެވެ.
