ރާއްޖެއަށް ދިމާވެފައިވާ އިޤްތިޞާދީ ގޮންޖެހުންތަކާ ގުޅިގެން މާލީ ހާލަތު ރަނގަޅު ކުރުމަށް ލަފާ ހޯދަން ސަރުކާރުން އެމެރިކާގެ ކުންފުންޏެއް ކަމަށްވާ ސެންޓަވިއު ޕާޓްނާސްއާއެކު ހެދި އެއްބަސްވުން އުވާލުމާ ގުޅިގެން، ކުރީގެ ރައީސް މުޙައްމަދު ނަޝީދު ތައުރީފް ކުރައްވައިފިއެވެ. ރައީސް ނަޝީދު މިހެން ވިދާޅުވީ އެކްސްގައި ކުރެއްވި ޕޯސްޓެއްގައެވެ.
ރައީސް ނަޝީދު ވިދާޅުވީ، "ރާއްޖޭގެ ދަރަންޏާއި ގުޅޭގޮތުން ލަފާ ދިނުމަށް ބޮޑު ޚަރަދެއް ކަނޑައެޅި ޑެބްޓް އެޑްވައިޒަރުގެ އެގްރީމެންޓް އުވާލެއްވުމަކީ ރައީސް ޑރ. މުހައްމަދު މުއިއްޒު އެޅުއްވި ބުއްދިވެރި ފިޔަވަޅެއް" ކަމަށެވެ.
ނަޝީދު އިތުރަށް ވިދާޅުވެފައިވަނީ، "މިފަދަ ޑެބްޓް އެޑްވައިޒަރުން އަޅުގަނޑުމެންގެ ޤައުމުތަކުން ނަގަމުން ދަނީ އިންތިހާއަށް ނާޖާއިޒް ފައިދާ" ކަމަށެވެ.
Raajjeyge dharanyaai gulheygothun lafaadhinumah bodu kharadhugai kandaelhi debt advisor ge agreement terminate kurevvi kamee Raees Dr. @MMuizzu elhuvvi buhdhiveri fiyavalheh. Mifadha debt advisorun alhugadumenge qaumuthakun nagamun dhanee inthiha ah naajaiz faidhaa
— Mohamed Nasheed (@MohamedNasheed)
?t=K3e5xp-FcBY-UQjzNlVxXQ&s=19
ދަރަނީގެ މައްސަލަ ހައްލުކޮށް، މާލީ ހާލަތު ހަމަޔަކަށް އެޅުވުމަށްޓަކައި ސަރުކާރުން އަންނަނީ މަސައްކަތް ކުރަމުންނެވެ. މިގޮތުން، ސެންޓަވިއު ޕާޓްނާސްއާއެކު އެއްބަސްވުމެއްގައި ސޮއި ކުރި ކަމަށް ބޭރުގެ ނޫސްތަކުން ރިޕޯޓްކޮށްފައި ވެއެވެ. ނަމަވެސް، މިހާރު އެ އެއްބަސްވުން އުވާލާފައިވާކަން އެނގެއެވެ.
ސެންޓަވިއު ޕާޓްނާސްއަކީ 2006 ގައި އުފެދުނު، ދުނިޔޭގެ އެކި ކުންފުނިތަކާއި ގައުމުތަކަށް މާލީ ކަންކަމުގައި ލަފާ ދެމުން އަންނަ ކުންފުންޏެކެވެ. މި ކުންފުނީގައި 60 ޕާޓްނަރުންނާއި 400 އަށް ވުރެ ގިނަ ތަޖުރިބާކާރުން މަސައްކަތް ކުރާ ކަމަށް ބުނެވެއެވެ.
މީގެ އިތުރުން، ކުރީގެ ރައީސް އިބްރާހިމް މުޙައްމަދު ޞާލިޙްގެ ސަރުކާރުން 2021 ވަނަ އަހަރު ވިއްކި 500 މިލިއަން ޑޮލަރު (7.7 ބިލިއަން ރުފިޔާ) ގެ ސުކޫކުގެ ކޫޕަން ޕޭމަންޓު ނުވަތަ އިންޓްރެސްޓުގެ ގޮތުގައި ދައްކަން ޖެހޭ 25 މިލިއަން ޑޮލަރު (386 މިލިއަން ރުފިޔާ) މިހާރުގެ ސަރުކާރުން ވަނީ ދާދި ފަހުން ދައްކައިފައެވެ.
