ހެންވޭރުގައި ހިނގި ހާދިސާއާ ގުޅިގެން ކޮމިޝަނަރ އޮފް ޕޮލިސް ޝުޖާއު އިސްތިއުފާ ދެއްވަން ނިންމަވައިފިއެވެ.
ސީޕީ މި ނިންމުން ނިންމެވީ އަންހެނެއް އިމާރާތަކުން ވެއްޓުނު ހާދިސާއާ ގުޅޭގޮތުން ކުރެވެމުންދާ ތަޙްޤީޤުގެ މަސައްކަތްތައް އިތުރަށް ހަރުދަނާކުރުމަށްޓަކައި ކަމަށް މައުލޫމާތު ލިބެއެވެ.
ސީޕީ މަގާމުން އިސްތިއުފާ ދެއްވަން ނިންމައިފައިވާކަން ފުލުހުންގެ އިސްވެރިންނަށާއި، ރައީސުލްޖުމްހޫރިއްޔާއަށް ވަނީ އަންގަވާފައެވެ.
ފުލުހުންގެ ތަޙްޤީޤާ ގުޅޭގޮތުން ބައެއް ފަރާތްތަކުން ކަންބޮޑުވުން ފާޅުކޮށްފައިވާތީ، ތަޙްޤީޤުގެ މަސައްކަތް ހިނގަމުންދާ ގޮތް ބެލުމަށް މިނިވަން އިންކުއަރީއެއް ހެދުމަށް ސަރުކާރުން ނިންމާފައިވާ ކަމަށް ހޯމް މިނިސްޓަރު އަލީ އިހުސާން ވިދާޅުވިއެވެ.
