ހައްދުފަހަނައަޅާފައިވާ އިސްރާއީލުގެ ޕާސްޕޯޓް ރާއްޖޭގައި މަނާކުރުމާއެކު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށް އެތެރެއާއި ބޭރުން ތަޢުރީފްތައް އޮހެން ފަށައިފިއެވެ. އިސްރާއީލް ޕާސްޕޯޓުގައި ރާއްޖެ އެތެރެވުން މަނާކުރުމާއެކު އެކަމަށް ތަޢުރީފް ކޮށް އެމަނިކުފާނުގެ ފޯނަށް މިއަދު އާދަޔާއި ޚިލާފަށް ގިނަ މެސެޖުތައް ވެސް އަންނަން ފަށައިފި ކަމަށް މަޢުލޫމާތު ލިބެމުންދެއެވެ.
އަނެއްކޮޅުން މުޅި ސޯޝަލްމީޑިއާގައި ވެސް އޮތީ ރައީސަށް ތަޢުރީފްގެ ބަސްތަކެވެ. މިއީ ދުނިޔޭގެ ބޮޑެތި އިސްލާމީ ޤައުމުތަކަށް ވެސް ކުރަން ޖެހިލުންވި ކަމެއް ކަމަށާއި، އިސްކޮޅާއި ސައިޒުން ރާއްޖެ ކުޑަޔަސް، ރާއްޖެއަށް ލިބިފައި މިހިރީ ޖަވާހިރާއި ޔާގޫތަށްވުރެ ވެސް އަގުހުރި ރައީސެއް ކަމަށް ބުނެ ބައެއް މީހުން ކޮމެންޓް ކޮށްފައި ވެއެވެ.
މިއަދު ރައީސަށް މީހަކު ފޮނުވުމަށް ލިޔުއްވި އެހެން ނޯޓެއްގައި ވަނީ ފަލަސްތީނަށްޓަކައި ލެއިން ޤުރުބާން ނުވިޔަސް، މިއަދު ރައީސް ޑރ. މުޙައްމަދު މުޢިއްޒަކީ ފަލަސްޠީނަށްޓަކައި ދުނިޔޭގައި ހުންނެވި އެންމެ އަގުހުރި ޖިހާދު ކުރެއްވި ލީޑަރު ކަމާއި މުޅިއުއުމުރު ދުވަހަށް ރައީސް މުޢިއްޒަށް ހެޔޮ ދުޢާ ކުރާނެ ކަމަށެވެ.
ޚުލާސާ އަށް ސޯޝަލްމީޑިއާ މެދުވެރިކޮށް ކާކުކަން ނޭނގޭ މީހަކު މިއަދު ފޮނުވި ނޯޓެއް؛ އޭނާ ބުނީ މުސްލިމު އެއްވެސް ލީޑަރަކަށް ކެރިވަޑައިނުގެންނެވި ކަންކަން ރައީސް މުޢިއްޒު އެގެންދަވަނީ ކުރައްވަމުން މުޅި ދުނިޔެއަށް ދައްކަވަމުން ކަމަށް.
ސޯޝަލްމީޑިއާގައިވާ ބައެއް އެހެން ކޮމެންޓްތަކާއި ޕޯސްޓްތައް
ރައީސް ޑރ. މުޢިއްޒު އަކީ އިންސާފުގެ މަގަށް ދޮރު ހުޅުވާލަދޭ ރައީސެއްކަން މިއަދު މުޅި ދުނިޔެ މިވަނީ ބަލައިގެންފައެވެ. ބޭރުގެ މީޑިއާ ތަކުގައި ވެސް މިވާހަކަތައް ދަނީ ދެކެވެމުންނެވެ. މިކަމާއިމެދު ކަންބޮޑުވެގެން އިސްރާއީލްގެ ޤައުމީ މީޑިއާއިން މިހާރު ދަނީ އެޤައުމުގެ ރައްޔިތުން ރާއްޖެ ނުދިޔުމަށާއި، ރާއްޖެ ގޮސްގެން ދިވެހި އިމިގްރޭޝަނުން އިސްރާއީލު ރައްޔިތުންނަށް މަރުޙަބާ ކިޔުމުގެ ބަދަލުގައި އަނބުރާ ފޮނުވާލާނީ އައިކޮޅަށް ކަމަށް ބުނަމުންނެވެ.
