ދ. ކުޑަހުވަދޫ ބަނދަރުމަތިން ޕިކަޕެއް މޫދަށް ވެއްޓިއްޖެއެވެ. މި ހާދިސާ ހިނގާފައިވަނީ ރޭ ބަނދަރުމަތީގައި ދޯންޏަކަށް މުދާ ބަރުކުރަމުން ދަނިކޮށް ކަމަށް ވެއެވެ.
ފުލުހުން މަޢުލޫމާތު ދެއްވާފައިވާ ގޮތުގައި، މި ހާދިސާއާ ގުޅިގެން އެ ސަރަހައްދުގައި ފުލުހުން ހަރަކާތްތެރިވަމުން އަންނަ ކަމަށާއި، ޕިކަޕު ފަޅުތެރެއިން ނެގުމުގެ މަސައްކަތް ކުރިއަށްދާ ކަމަށް ވިދާޅުވިއެވެ.
ނަމަވެސް، ޕިކަޕު ފަޅުތެރެއަށް ވެއްޓުނު ސަބަބު އަދި ސާފުވެފައި ނުވާ ކަމަށް ފުލުހުން ވިދާޅުވިއެވެ. އަދި މި ހާދިސާގައި އެއްވެސް މީހަކަށް އަނިޔާއެއްވި ކަމުގެ މަޢުލޫމާތެއް އަދި ލިބިފައިނުވާ ކަމަށްވެސް ފުލުހުން ވިދާޅުވިއެވެ.
