އިސްރާއީލާއި ހަމާސް އާއި ދެމެދު ވެފައިވާ ހަނގުރާމަ ހުއްޓާލުމުގެ އެއްބަސްވުމުގެ ދަށުން، އިސްރާއީލުން ފަލަސްޠީނުގެ 602 އަސީރުން ރެޑް ކްރޮސް އާއި ޙަވާލުކޮށްފިއެވެ.
މި އަސީރުން މިނިވަންކުރުމުގެ ކުރިން، ހަމާސްއިން ވަނީ އިސްރާއީލުގެ ހަތަރު އަސީރެއްގެ ހަށިގަނޑު ޣައްޒާގައި ރެޑް ކްރޮސްއާއި މިރޭ ޙަވާލުކޮށްފައެވެ. މި އެއްބަސްވުމުގެ ދަށުން މިހާތަނަށް ހަމާސްއިން ވަނީ އިސްރާއީލްގެ ތެއްތިރީސް އަސީރުން މިނިވަންކޮށްފައެވެ. އިސްރާއީލުން ވަނީ 2،000 އާއި ގާތްކުރާ އަދަދެއްގެ ފަލަސްޠީނު މުސްލިމު އަސީރުން މިނިވަންކޮށްފައެވެ.
