އުތުރުގެ އަތޮޅެއްގެ ފަޅުރަށަކަށް ކުޑަކުދިންތަކެއް ގެންގޮސް ޖިންސީ ގޯނާކުރި މައްސަލައެއް ތަޙްޤީޤު ކުރަން ފަށައިފިއެވެ.
ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީގެ އޮފިޝަލަކު ބުނެފައިވާ ގޮތުގައި އެ މައްސަލައިގެ މަޢުލޫމާތު އެފަރާތަށް ލިބުމާއެކު ތަޙުޤީޤު ފަށައި، އެކަމުގައި ޝާމިލުވާ ކުދިންގެ ރައްކާތެރިކަން ކަށަވަރުކުރުމުގެ މަސައްކަތް ދަނީ ކުރަމުންނެވެ. ނަމަވެސް އިތުރު ތަފްސީލެއް ހާމަކޮށްފައެއް ނުވެއެވެ.
ކުޑަކުދިންނާއި ގުޅޭ މިފަދަ މައްސަލަތަކަކީ ވަރަށް ސީރިއަސް މައްސަލަތަކަކަށް ވާތީ، ކުދިންގެ ރައްކާތެރިކަމަށްޓަކައި އަތޮޅާއި ރަށުގެ މަޢުލޫމާތު ހާމަކުރުމަކީ ކުޑަކުދިން ޙިމާޔަތްކުރުމާއި ރައްކާތެރި ކުރުމަށް އޮންނަ ޤާނޫނުގެ ދަށުން ވެސް މަނާ ކަމެކެވެ.
މި މައްސަލައިގައި މިހާތަނަށް ފުލުހުން އަދި ވަކި އެއްޗެއް ނުބުނެއެވެ.
