ފާއިތުވި ހަތް ދުވަހުގެ ތެރޭގައި ހައްދުފަހަނައަޅާފައިވާ އިޒްރޭލު ޒައެނިސްޓުންގެ ހަމަލާ ތަކުގެ ސަބަބުން ޣައްޒާގައި 900 އަށްވުރެ ގިނަ މުސްލިމުން ޝަހީދު ވެއްޖެ ކަމަށް މަސްދަރުތަކުން ބުނެފިއެވެ. މީގެ ތެރޭގައި އެންމެ ގިނައީ އަންހެނުންނާއި ކުޑަކުދިންނެވެ. މި ނަސްލު ނައްތާލުމުގެ ޖަރީމާ ވަގުތީ ގޮތ8ން މެދުކެނޑުމަށްފަހު އިތުރަށް ވަރުގަދަކުރީ ފިޠުރު ޢީދުގެ ދުވަސްވަރާއި ދިމާކޮށެވެ. މިހާރަކަށް އައިސް ވައިގެ ހަމަލާތަކާއި އެއްގަމު މަގުން އަރައި ދެމުންދާ ހަމަލާތައް ވަނީ އިތުރުވެފައެވެ.
ޣައްޒާގައި ޝަހީދުކޮށްލާފައިވާ މައުސޫމް ރައްޔިތުން: އިސްރާއީލުން ބުނަނީ ހަމަލާތައް ވަރުގަދަކޮށް އިތުރު ބިންތައް ހިފާނެ ކަމަށް.
ޢީދުގެ ފުރަތަމަ ދުވަހު އެކަނި ޣައްޒާގެ އެކި ސަރަހައްދުތަކަށް އިޒްރޭލުން ދިން ހަމަލާތަކުގައި މަދުވެގެން 65 މީހުން ޝަހީދުވެިއެވެ. މީގެ ތެރޭގައި 8 ޕެރަމެޑިކުން ހިމެނެއެވެ.
އިޒްރޭލުގެ އަސްކަރިއްޔާއިން ވަނީ ޣައްޒާގެ ދެކުނުގައިވާ ރަފާ ފަދަ އެކި ސަރަހައްދުތަކުން އާންމުން ހުސްކުރުމަށް ވެސް އަމުރުކޮށްފައެވެ.
ރިޕޯޓުތަކުން ދައްކާގޮތުގައި ރަފާގެ ތެލް އަލް-ސުލްޠާން ސަރަހައްދުގައި އިޒްރޭލުގެ ޒައެނިސްޓުން ވަނީ 15 ފަލަސްތީނު ޕެރަމެޑިކުންނާއި އަވަސް އެހީދޭ މީހުން ވެސް ޝަހީދުކޮށްފައެވެ.
އިސްރާއީލުން ބުނަނީ މިހާރު ދެމުންފާ ހަމަލާތައް އިތުރަށް ވަރުގަދަކުރާނެ ކަމަށެވެ. އަދި ފަލަސްޠީނުގެ އިތުރު ބިންތައް ވެސް ހިފާނެ ކަމަށެވެ.
އިސްރާއީލުން މެދުނުކެނޑި ޙަމަލާތައް ދެމުންދާއިރު އދ އިން ސުލްހައިގެ ލަޝްކަތެއްވެސް ފޮނުވުމަށް ވަނީ ނުކުޅެދިފައެވެ.
