އެމްޓީސީސީއިން ދެއްވަދޫ ފުޓްބޯޅަ ދަނޑުގެ މަސައްކަތް ނިންމުމަށް އެއްބަސްވުމެއްގައި ސޮއިކޮށްފި

އާނާ ފަހީމް | 47 ދުވަސް ކުރިން - 18:43
އެމްޓީސީސީއާއި ގއ. ދެއްވަދޫ ކައުންސިލާއި ދެމެދު އެރަށު ފުޓްބޯޅަދަނޑުގެ އިތުރު މަސައްކަތްތައް ނިންމުމަށް އެއްބަސްވުމުގައި ސޮއިކުރުން/ ފޮޓޯ: އެމްޓީސީސީ
އެމްޓީސީސީއާއި ގއ. ދެއްވަދޫ ކައުންސިލާއި ދެމެދު އެރަށު ފުޓްބޯޅަދަނޑުގެ އިތުރު މަސައްކަތްތައް ނިންމުމަށް އެއްބަސްވުމުގައި ސޮއިކުރުން/ ފޮޓޯ: އެމްޓީސީސީ
ޚުލާސާ

ދެއްވަދޫގައި ހަދަމުންދާ ފުޓްބޯޅަދަނޑުގެ ވާރޭފެން ހޮޅި އެޅުމާއި، ތަޅުން އެޅުމާއި، ފެންސް ޖެހުމުގެ މަސައްކަތް އަދި ނުކުރެވި ހުރި މަސައްކަތް ނިންމުމަށް އެމްޓީސީސީއާއި ގއ. ދެއްވަދޫ ކައުންސިލާ ދެމެދު އެއްބަސްވުމެއްގައި ސޮއިކޮށްފި.

ހުވަދު އަތޮޅު އުތުރުބުރީ ދެއްވަދޫ ފުޓްބޯޅަދަނޑުގެ އިތުރު މަސައްކަތްތައް ނިންމުމަށް އެމްޓީސީސީއާއި ގއ. ދެއްވަދޫ ކައުންސިލާއި ދެމެދު އެއްބަސްވުމެއްގައި ސޮއި ކޮށްފިއެވެ.

އެމްޓީސީސީގެ ފަރާތުން މި އެއްބަސްވުމުގައި ސޮއިކުރެއްވީ ޑެޕިއުޓީ މެނޭޖިންގ ޑިރެކްޓަރ މުޙައްމަދު ޖަމްޝީދެވެ. އަދި ދެއްވަދޫ ކައުންސިލްގެ ފަރާތުން ސޮއިކުރެއްވީ ކައުންސިލްގެ ނައިބު ރައީސް އަޙްމަދު ފަޒުހާދެވެ.

މި ސޮއިކުރުމުގެ ރަސްމިއްޔާތުގައި ގެމަނަފުށި ދާއިރާގެ ޢިއްޒަތްތެރި މެންބަރު އަސްޢަދުﷲ ޝިހާބު ބައިވެރިވެ ވަޑައިގެންނެވިއެވެ.

މި އެއްބަސްވުމުގެ ދަށުން ކުރިއަށް ގެންދާ މަސައްކަތުގެ ތެރޭގައި ހިމެނެނީ، ބާކީ ހުރި ވާރޭފެން ހޮޅި އެޅުމުގެ މަސައްކަތާއި، ތަޅުން އެޅުމާއި، އަދި ފެންސް ޖެހުމުގެ މަސައްކަތްތައް ނިންމުމެވެ.

މި މަޝްރޫޢު ނިމުމުން ގއ. ދެއްވަދޫގެ ކުޅިވަރު ދަނޑުގެ ވަސީލަތްތައް އިތުރަށް ފުރިހަމަވެ، ރަށުގެ ޒުވާނުންނަށް ކުޅިވަރުކުޅުމަށް މަގުފަހިވެގެންދާނެއެވެ.

TelegramTwitterYoutubeTiktokViberFacebookInstagram

0 ރިއެކްޝަންސް / 0 ކޮމެންޓް

0%
0%
0%
0%
0%