ސަރުކާރުގެ ކެބިނެޓަށް ގެނައި ބަދަލުގެތެރެއިން ކޮންސްޓްރަކްޝަން މިނިސްޓްރީއާ ހައުސިން މިނިސްޓްރީ އެއްކޮށްލި ނަމަވެސް، ދެމުން އަންނަ ހައުސިންއާގުޅޭ ހިދުމަތްތަކަށް ބަދަލެއް ނާންނާނެ ކަމަށް ބުނެފި އެވެ.
ކޮންސްޓްރަކްޝަން މިނިސްޓްރީން ނެރުނު ބަޔާނެއްގައި ބުނީ ހައުސިން މިނިސްޓްރީއިން ދެމުން އަންނަ އެއްވެސް ހިދުމަތަކަށް ބަދަލެއް ނާންނާނެ ކަމަށެވެ. އެހެންވެ ގެދޮރުވެރިކަމާ ބެހޭ މަސައްކަތްތަކާ ގުޅޭ ގޮތުން އެއްވެސް މައުލޫމާތެއް ސާފު ކުރަން ބޭނުންވާ ނަމަ ރަސްމީ ފޯނު ނަންބަރުތަކަށް ގުޅައިގެން މައުލޫމާތު ހޯދޭނެ ކަމަށް ބުންޏެވެ.
މިނިސްޓްރީގެ ބަޔާނުގައި ދީފައިވާ ނަންބަރުތަކަކީ 4004900 އަދި 4004901 އެވެ.
ކޮންސްޓްރަކްޝަން މިނިސްޓްރީގެ ދަށަށް ހައުސިން މިނިސްޓްރީ ބަދަލުކުރީ ހައުސިން މިނިސްޓަރަކަށް ހުންނެވި ޑރ. އަލީ ހައިދަރު ހަޔަ އެޑިއުކޭޝަން މިނިސްޓަރަކަށް ބަދަލު ކުރަައްވައިފަ އެވެ.
ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗާ މިނިސްޓަރަކީ ޑރ. ޢަބްދުﷲ މުއްޠަލިބެވެ.
ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީގެ އިތުރުން އެންވަޔަރަމަންޓް ހިންގި އިމާރާތްތައް ދާދި ފަހުން އެނދުމާއި ގުޅިގެން އެ މިނިސްޓްރީތައް މިހާރު ވަގުތީ ގޮތުން ހިންގަމުން އަންނަނީ ދަރުބާރުގޭގަ އެވެ.
