މިރޭ މާލެ އާއި ހުޅުމާލޭގައި ހަވާ އަރުވާނެ ކަމަށް ދިވެހި ސިފައިންގެ ޚިދުމަތް (އެމްއެންޑީއެފް) އިން މަޢުލޫމާތު ދީފިއެވެ. މި މަޢުލޫމާތު ހާމަކޮށްފައިވަނީ ދިފާއީ ވުޒާރާއިން ސޯޝަލް މީޑިއާގައި ކުރި ޕޯސްޓެއްގައެވެ.
އެމްއެންޑީއެފްގެ މަޢުލޫމާތު ދީފައިވާ ގޮތުގައި، މާލޭގައި ހަވާ އަރުވާނީ އާޓިފިޝަލް ބީޗްގައި މިރޭ 9:00 ގައެވެ. މިއީ ވިޔަފާރި އުސޫލުން ސިފައިންގެ ކޯޕަރޭޓިވް (ސިފްކޯ) އިން ކުރިއަށް ގެންދާ 5 މިނެޓުގެ ޕްރައިވެޓް އިވެންޓެކެވެ. މި ހަރަކާތަކީ އާ އަހަރު ފެށޭ ރޭ ހަވާ އެރުވުމަށް ތައްޔާރުވުމުގެ ގޮތުން ސިފްކޯއިން ކުރިއަށް ގެންދާ ފަރިތަކުރުންތަކުގެ ބައެއް ކަމަށް ވެސް އެމްއެންޑީއެފުން ބުނެއެވެ.
ހުޅުމާލޭގައި ހަވާ އަރުވުމަށް ހަމަޖެހިފައިވަނީ ރޭގަނޑު 8:00 ހާއިރު، ހުޅުމާލެ ފޭސް 3 ސަރަހައްދުގައެވެ. މިއީ އަމިއްލަ ފަރާތަކުން އެދިގެން ކުރިޔަށް ގެންދާ ހަރަކާތެކެވެ. ހުޅުމާލޭގައި ދެ މިނެޓުގެ ތިން ޝޯއެއް ކުރިއަށް ގެންދާނެ ކަމަށް އެމްއެންޑީއެފްއިން ބުނެފައިވެއެވެ.
