ރާއްޖޭގައި ކުޅިވަރު ކުރިއެރުވުމަށް 20 އަހަރުގެ ދިގު ރާސްތާ ޕްލޭނެއް ރަސްމީކޮށް އެކުލަވާލައިފިއެވެ. މި ޕްލޭން ރަސްމީކޮށް އިފްތިތާހްކޮށް ދެއްވީ ސްޓެލްކޯގެ ސެމިނާ ހޯލުގައި ބޭއްވުނު ހާއްސަ ރަސްމިއްޔާތުގައި މި މަސައްކަތް ކުރަމުން އަންނަ އެމެރިކާގެ ދެ ތަޖުރިބާކާރުން ކަމަށްވާ ސްޓީވް ރޯޝް އާއި މެތިއު ޖޭ ރޮބިންސަން އެވެ.
މި ޕްލޭންގެ ފުރަތަމަ ޑްރާފްޓް ތައްޔާރުކޮށްފައިވަނީ މިދިޔަ ފެބްރުއަރީ މަހުއެވެ. ޕްލޭން ތަންފީޒުކުރުމަށްޓަކައި މުޅި ރާއްޖެ ވަނީ މައިގަނޑު ތިން ސަރަހައްދަކަށް ބަހާލާފައެވެ. އެއީ ދެކުނާއި، މެދު ރާއްޖެ އަދި އުތުރެވެ. އަދި މި 20 އަހަރުގެ މާސްޓާ ޕްލޭން ތަންފީޒުކުރާނީ ހަތަރު ފިޔަވައްސަކަށް ބަހާލައިގެންނެވެ.
Presentation of the Maldives Sports Development Plan, a 20-year roadmap to elevate Maldivian athletes from the ‘Playground to Podium.’
The vision of this plan is to reach the ambitious target of reaching the highest levels of international competitions by 2040. pic.twitter.com/gmIfJYdhtN
މި ޕްލޭންގެ އެންމެ ބޮޑު އަމާޒަކީ 2030 އަދި 2034 ވަނަ އަހަރުގެ އޭޝިއަން ގޭމްސްގައި މެޑެއްޔެއް ހޯދުމާއި، 2036 އަދި 2040 ވަނަ އަހަރުގެ އޮލިމްޕިކްސްގައި ދިވެހި އެތުލީޓުން މެޑެލް ހޯދުމެވެ.
މިނިސްޓަރ އަބްދުﷲ ރާފިޢު ވިދާޅުވީ މިއީ ބައިނަލްއަޤްވާމީ އެންމެ މަތީ ފަންތީގައި ރާއްޖެއަށް ވާދަކުރެވޭގޮތަށް ދެމެހެއްޓެނިވި ކާމިޔާބީއެއް ހޯދުމުގެ ބިންގަލަކަށް ވެގެންދާނެ ކަމަށެވެ.
އެގޮތުން، މި ޕްލޭންގައި ސްކޫލް މާހައުލުން ފެށިގެން ކޯޗުން ބިނާކުރުމާއި، ބޮޑެތި ގޭމްސްތައް ރާއްޖޭގައި ބޭއްވުމާއި، މޮޅެތި އެތުލީޓުން އުފެއްދުމަށް ކުރާނެ ކަންކަން ހިމެނިފައިވެއެވެ. މީގެ އިތުރުން ކުޅިވަރުގެ މާސްޓަރ ކަލަންޑަރެއް އެކުލަވާލުމާއި، އެސޯސިއޭޝަންތައް ބާރުވެރިކުރުމާއި، ކޯޗުންނާއި ކުޅިވަރުގެ މެނޭޖްމަންޓުގައި ހަރަކާތްތެރިވާ ފަރާތްތައް ތަމްރީނުކުރުމާއި، ސްކޫލުތަކުގެ ކުޅިވަރު ހަރަކާތްތައް މެނޭޖުކުރާނެ އުސޫލުގެ އިތުރުން ބައިނަލްއަގުވާމީ ކުޅިވަރު މުބާރާތްތައް ރާއްޖޭގައި ބޭއްވުން ހިމެނެއެވެ.
