18 މީހުން ތިބި މުދާއުފުލާ ބޯޓެއްގައި ރޯވެ އެކަކު ގެއްލިއްޖެއެވެ.
މިވަގުތު ރޯވެ އަނދަމުންދަނީ ލ. މާވަށުގައި ދުއްވާ “ހޮޅުދޫ ބޯޓު”އެވެ.
މަޢުލޫމާތު ލިބިފައިވާ ގޮތުގައި ގެއްލިގެން އުޅެނީ 25 އަހަރުގެ ދިވެއްސެކެވެ.
ހޮޅުދޫ ބޯޓުގައި ރޯވެ އަނދަނީ: ބޯޓުގައި އަލިފާން ރޯވުމާއެކު ބޯޓުގައި ތިބި އެންމެން މޫދަށް ފުންމާލިކަމަށް މައުލޫމާތު ލިބޭ.
ގެއްލިގެން ހޯދަމުންދަނީ 25 އަހަރުގެ އަލީ މުޝްފިގުއެވެ.
މިހާދިސާގައި ސަލާމަތްވީ މީހުންގެ ތެރެއިން 2 މީހަކަށް ކަނޑޫދޫ ސިއްހީ މަރުކަޒުން ފަރުވާ ދިނުމަށްފަހު އިތުރު ފަރުވާއަށް ވޭމަންޑޫގައި ހުންނަ އަތޮޅު ހޮސްޕިޓަލަށް ގެންދާކަމުގެ މައުލޫމާތު ވަނީ ލިބިފައެވެ. މި ބޯޓުގައި ރޯވީ މިރޭ 21:15 އެހާ ކަންހާއިރު އެވެ.
ބޯޓުގައި ރޯވެ އަނދަނީ: ލ. މާވަށުގައި ދުއްވާ “ހޮޅުދޫ ބޯޓު”ގައި ރޯވީ ހިރިލަންދޫއިން ފުރައިގެން މާލެ ދަނިކޮށް ތ. ކަނޑޫދޫ ކައިރިން.
މަޢުލޫމާތު ލިބިފައިބާ ގޮތުގައި ބޯޓުން ޖުމުލަ 18 މީހަކު ދަތުރުކުރަމުން އައިއިރު އޭގެތެރޭގައި ހިމެނެނީ 11 ދިވެހިންނާއި 7 ބިދޭސީންނެވެ.
އެމްއެންޑީއެފުން ބުނީ 17 މީހަކު ސަލާމަތްކޮށްފައިވާއިރު ލ. މާވަށަށް ނިސްބަތްވާ އުމުރުން 25 އަހަރުގެ އަލީ މުޝްފިޤް މުޙައްމަދު ގެއްލި ހޯދުމުގެ މަސައްކަތް ދަނީ ކުރަމުންނެވެ.