ހުޅުމާލޭގައި ބިދޭސީންތަކެއް މާރާމާރީއެއް ހިންގައިފި

އަައިޝަތު ޒީނާ | 23 ގަޑިއިރު ކުރިން - 21:23
ހުޅުމާލެ ހޮސްޕިޓަލް. / ފޮޓޯ: ޚުލާސާ
ހުޅުމާލެ ހޮސްޕިޓަލް. / ފޮޓޯ: ޚުލާސާ
ޚުލާސާ

މައުލޫމާތު ލިބޭ ގޮތުގައި މާރާމާރީ ހިނގީ ވެލާނާ އިންޓަރނޭޝަނަލް އެއަރޕޯޓު (ވީއައިއޭ)ގެ ޓާމިނަލް މަސައްކަތުގައި އުޅޭ ޗައިނާ މަސައްކަތްތެރިންނާއި އަރަބި މަސައްކަތްތެރިންނާ ދެމެދު.

ހުޅުމާލޭގައި ބިދޭސީންތަކެއްގެ މެދުގައި ބޮޑު މާރާމާރީއެއް ހިންގައިފިއެވެ.

މައޫލޫމާތު ލިބޭ ގޮތުގައި މި މާރާމާރީ ހިންގާފައިވަނީ ވެލާނާ އިންޓަރނޭޝަނަލް އެއަރޕޯޓު (ވީއައިއޭ)ގެ ޓާމިނަލްގެ މަސައްކްތުގައި އުޅޭ ބިދޭސީންތަކެއްގެ މެދުގައެވެ.

ފުލުހުން ބުނި ގޮތުގައި މާރާމާރީގައި އަނިޔާވި ބައެއް މީހުންނަށް ފަރުވާ ދެމުން ދަނީ ހުޅުމާލެ ހޮސްޕިޓަލުންނެވެ. އަދި އެ ހާދިސާގައި އަނިޔާވި އަނެއް ބަޔަކަށް ޓްރީޓޮޕް ހޮސްޕިޓަލުން ފަރުވާދެމުން އަންނަ ކަމަށް ފުލުހުން ބުންޏެވެ.

ހުޅުމާލެ ހޮސްޕިޓަލުން ބުނީ އެ ހޮސްޕިޓަލުގައި 10 މީހަކަށް ފަރުވާދެމުން އަންނަ ކަމަށެވެ. ޓްރީޓޮޕްގައި ފަރުވާ ދެމުން ދަނީ ކިތައް މީހުނަށް ކަމެއް ނޭނގެއެވެ.

މައުލޫމާތު ލިބޭ ގޮތުގައި މާރާމާރީ ހިނގީ ޗައިނާ މަސައްކަތްތެރިންނާއި އަރަބި މަސައްކަތްތެރިންނާ ދެމެދު އެވެ.

މާރާމާރީ ހިންގަން މެދުވެރިވި ސަބަބެއް އަދި މިކަމާ ގުޅޭ އިތުރު ތަފްސީލެއް ވެސް ފުލުހުން ހާމަކޮށްފައެއް ނުވެއެވެ.

ވީއައިއޭގެ ޓާމިނަލްގެ މަސައްކަތް ކުރަމުން ދަނީ ސައުދީ ބިންލާދިން ގްރޫޕާއި، ސަބް ކޮންޓްރެކްޓަރެއްގެ ގޮތުގައި މަސައްކަތް ކުރާ ޗައިނާ ކޮމިއުނިކޭޝަން ކޮންޓްރަކްޝަން ކޮމްޕެނީ (ސީސީސީސީ) އިންނެވެ.

ފުލުހުން އަންނަނީ މި މައްސަލަ ތަޙުޤީޤުކުރަމުންނެވެ.

TelegramTwitterYoutubeTiktokViberFacebookInstagram

0 ރިއެކްޝަންސް / 0 ކޮމެންޓް

0%
0%
0%
0%
0%